Thursday, September 16, 2010

Tagayan sa Kubo sa Disyerto


Tingin ko ako'y magtatagumpay,
Tatalon sa fence, pare, tatawid
Sa wasak na tulay at makararating
Sa pampang ng inasam na kabilang
Kasagana'an. Yeah, pare, I believe

So, so huwag na akong magmukmok
Sa kasalukuyan, tumingin na lamang
Sa malayong rainbow of all skies,
Everyone's mirage, pare. Hala, tagay.
Pero alam ko rin, di ko matitikman

Ang prutas ng itinanim kong puno,
Di makikita ang wagayway ng dahon
Sa hangin ng mariwasang gubat
Na bukas ay beberde sa ating asul
Na kayumangging mga awiting

Tila hanap nang hanap ng isdang
Mapupulutan man lang. Sige, tagay.

No comments:

Post a Comment